起身無耐就收到Caroline sms，今日病左返唔到...
要早少少返公司開門~~~~

雖然放左四日假，但上星期已經清左好多野，
成朝無野做......繼續做返停左好耐既3D model~~~~

12點Chad已經嗌肚餓，連埋Warren出去食咖喱~~~~~
行出ETV就見到個中國女仔，企係幾多中國人住既大廈樓下....
Warren見到猛話好得意........行過時果刻幾驚佢上去搭訕......
好彩都無......因為之前佢真係試過~~~~
之後就係咁叫我係時候呢度搵返個女朋友.........

下晝都係繼續3D model，做到好眼訓......
要戴住headphone聽MP3先精神d~~~~

五點半彭小姐online，叫我打俾佢~~~~
我真係無咩特別事而唔開心，暗啞底情緒偏低算係我本質，
加上長期一個人生活，好難keep住情緒高漲呢.......
傾到七點半先返屋企~~~~

今晚夜左，快快手煮飯開罐頭就算.....
開套春麗傳睇......
片中春麗細細個係中國人，少女就突然變左鬼妹仔........
套片又斷開幾截，搞到字幕又跟唔到........
最後都係無睇哂就熄左佢~~~~~~~

近期又喜歡上整晚shuffle播音樂~~~~~

已經差唔多半個月無寫........

做過咩黎.....上星期Adam撩玩poker，
算學識左玩法，都幾有趣

剛剛星期四係公眾假期，
星期五太多人請假，Adam就決定索性休埋佢.....
就係咁全部人有四日假期~~~~~
突然咁多日假......有少少不知所措.........

星期四晚同小尤傾MSN，一傾就傾左三個鐘.......
傾到佢七點半朝先去訓........犀利~~~

星期五book左第一堂補習......9:00am......同返工無分別
不過一對一係唔同d......R120 per hour，ok啦~~~~

下晝Caroline兩公婆黎左，一齊去左Table View行下沙灘
由於留左對鞋係車，赤住腳行完沙灘，
去埋KFC食野又過馬路又入其他鋪頭..........
呢次應該係我赤腳行出街，最遠最耐既一次........哈
之後去左佢個fd屋企，hea到六點半先返屋企~~~~~

星期六下晝補多3個鐘，Ilse傾多幾句，
問使唔使介紹佢個中國學生我(識)..........識下無妨，(識)就唔使客氣啦

今日下晝無返公司，都係留係度搞阿邪張咭仔~~~
做下hea下，夜晚十點前send出去~~~~
期間彭小姐回鄉探親後返港，HK12點9上黎講聲早抖後，
兩點半訓唔著上黎搵我，話題圍繞冷熱血問題.......
同佢傾左差唔多一個鐘先再去訓.....
今晚竟然三點幾先去訓，聽日佢返工應該會死得好慘........

要拉返多d彈弓........近排太少運動，右手關節轉動時有d痛.......

呢四日好似好快就放完咁.......

下畫三點有Caroline既生日茶會，
而我返到公司時已經送左份禮物，
諗返原來上年呢個時間我返左香港，
唔怪得無乜上年呢段時間既記憶~~~~~

開完茶會，Warren捉我同Chad出去開會
去左附近既cafe坐低傾~~~~
主要講我地team重新定位等問題......
佢勸我地如無必要，都唔好走繼續做，
依家係最好既時機......應該會有更多發展.....

最後要我地之後要做d咩？人工想唔想調整？
寫低後呢兩日再傾........
都唔知點寫好........有咩黎就做咩架啦.........
唔計Warren呢個遊擊手，基本上人就得兩個，
仲可以點揀？

一覺醒來仲未天光........睇睇時間已經十點幾......
原來出面橫風橫雨...........

Lunch食埋尋晚d粥，落樓下買DVD，
商場兜左個圈，揀左隻日本娃娃圖案既杯，
送俾Caroline做生日禮物~~~

四點幾Caroline問我係咪仲想出黎？我話睇妳啦
六點幾覆返我，佢今日食到好飽，都係下次先~~~~

尋日被滾粥濺傷既傷口，今日已經結焦......
一直以為流血外傷先會結焦......

已經進入九月中.........時間，是快還是慢.....？
如果過得快=活得好、過得慢=活得差，
那麼我想還算不差吧，雖然也有渡日如年既日子，
但這一年總算也過了大半.......餘下日子要再努力些~~~~~

十二點先起身.......
猶疑左好耐返唔返公司.......
猶疑到兩點幾都係決定唔返，唔想郁.......

今日又煲粥食，滾到左再加水........
因為太過滾.......滾到d粥係咁彈出黎.........
隻手近肘位都中左，要即刻搬開佢熄火.......
痛到要搽燙火膏.......之後個傷口仲腫左........
真係好滾囉..........

阿偉部PC啟動左，之前寄既碟今日佢先收到，
不過佢仲需要其他架生，聽日落街買多隻碟燒~~

聽晚未知係咪出去食飯，等Caroline通知~~~~

Caroline今日休息，我要早d返去開門~~~
唔太凍但個口可以不停噴煙.......

上晝同阿邪傾左好耐計，因為佢呢排太悠，
今日仲悠到話好淹悶........
當佢問到一些較敏感話題，
我鄭重地問佢，事到如今係咪真係想知？
阿邪都毫無猶疑地撤回提問......
其實呢類問題，大概都係想知係咪相似之類......
雖然我同阿蚊未至於深交，但其性格都略知一二，
所以我可以肯定，各方面都絕對唔似~~~`

星期五通常都比較悠......
四點開始已經等收工，
我仲同Chad仲玩左陣PSP~~~~~
五點零打俾彭小姐，不過已經訓左~~~~

返去時買左支Rose Wine，色澤比紅酒通透，
而味道比紅酒清淡，更易入口~~~~

至於聽日返唔返公司，聽日起身先算

今朝起身上唔到網，但就用到MSN.......
唔通尋晚訓著左後有事發生......？

今日教Aaron既時間，仲多過我自己做野......
如果最basic既mockup技術同要點，
短時間教識佢相信唔難.........
但當睇過佢既進度後，再次打返落深淵.......
一口氣重覆做三次既練習，
第三次佢都仲問我應該點做......？
果一刻我望住Aaron，突然諗起阿津........
收工時Aaron話如果星期六日我返公司
佢都可以黎.........但我唔想呢.........
即使我要返，我都唔想有咩人係附近.......
考慮下考慮下........

呢兩日都開住PSP MP3黎做野，
一黎唔想再聽收音機既噪音，成半年都仲播緊同樣既歌.......
二黎想試下部PSP齋播MP3，舊電可以捱幾耐？
尋日聽耳筒，今日試埋放speaker播，
雖然細細聲，但都可以播到收工仲有電
咁都比預期中長~~~~~~

返到去Firefox又運作正常上到網........奇怪.....
本應返黎前已經作最壞打算，還回電腦.......

渴睡症又發作.......十一點頂唔順上床訓覺

星期一推左Agent睇樓到星期三，
以為佢知難而退.........
點知今日sms黎confirm係咪今日.....都係算啦

兩點半出去時，Chad先同我講，
剛剛份PPT template收工前要.......唔係呀嘛？
沿途一路行一路度定點整........

三點半返到去即刻開工.........
四點半前已經搞掂，Warren睇到仲話好正......
以我唔擅長做PPT template黎講，
今次都算係咁囉..........唔係就跣到直一直~~~~

Warren叫我兩個星期教曉Aaron做Mockup......
佢連copy & paste都未曉.......
而且佢一星期先返兩日，即係大約四日就要教曉佢.....
完全電腦超級新手，四日內變Photoshop熟手........
無乜可能囉.......Warren仲叫我工餘時間教佢...........
就算教得佢識，佢都要返足五日先幫到手架........

尋晚三點幾先訓，今晚十點零已經好累
上床攤一攤即刻恰著........
六點起身熄機熄燈再訓過~~~~

自從知道部MP3機壞壞地，
想係呢度買過部，唔想年尾程機無野聽.......

問小尤部ipod好唔好用，
聽落各方面真係唔錯，
但用係南非，部份功能可能用唔著，
小尤亦強烈建議買部$99 2G既齋聽MP3機~~~~
咁都係返去先算......上機PSP頂住先......

夜晚十點已經開始準確幫阿邪上網搶籌.....
第一次練習時仲入唔到個網，
重新set過firefox設定，先入到個登記內頁....

同彭小姐完左個morning talk，
佢返工後，我大約係HK7:45am，
發現上唔到網，跡象仲同用哂M既情況一樣.....
restart亦都唔得........O哂咀.......

但兩點半後，我再試又上得返網............
阿邪話彭生以8:03am搶到第三名~~~
咁都好彩搞得掂，不過竟然係彭生得左......

落左大半日雨，下畫仲凍左好多~~~~

Cassandra同我講，終於臨去新加坡前，
做左件驚人(不智)創舉.........真係估佢唔到......
無知到咁既地步.......唯有祝佢好運啦..........

今日又玩返3D Rhino.....收工仲未完成，
明天繼續~~~~

應承左阿邪星期三晚兩點，即香港八點，
沖上去註冊處個網搶頭籌.........
呢排天氣咁差，上網只會慢上加慢......
即管睇下我呢個大後備有無作為啦~~~~~~

彭小姐臨訓前同我呻皮膚又惡化.......
搞到好唔開心.........唉，真係多災多難......

Lunch時買左碗雞蓉湯，R17仲有個麵包，
結果飽到份三文治都食唔落.......
收工前先食埋佢，夜晚果餐又慳返.......
已經第三晚無食野，雖然包沙律菜無開過，
但會唔會擺得太耐而變壞呢........？

夜晚又起風，吹到隻窗勒勒聲.........
不過已經習慣左無咁恐怖囉........